Beidh Páráid Náisiúnta na Féile Pádraig ar siúl i mBaile Átha Cliath arís i mbliana den chéad uair ó 2019.
Dar le lucht eagraithe na féile sa phríomhchathair go mbeidh paráid na bliana seo ar an gceann is mó agus is uaillmhianaí riamh.
Ealaíona, cultúr agus oidhreacht na hÉireann a cheiliúradh is ea téama na féile, a deir siad.
Maíonn siad go dtabharfaidh imeachtaí beo na féile deis d'Éireannaigh sa bhaile agus i gcéin teagmháil le chéile, meabhrú ar na dúshláin a bhain leis an bpaindéim Covid-19 agus - thar aon ní eile - an saol a cheiliúradh.
Den chéad uair chomh maith, bunófar "Ceathrú na Féile" ag Ard-Mhúsaem na hÉireann, Dún Uí Choileáin.
Beidh imeachtaí ilghnéitheacha ar siúl sa cheantar sin ó mhaidin go faoithin agus cuirfear fáilte roimh liath agus leanbh, a deir an lucht eagraithe.
Fágann sin nach turas Góidrisc a bheas ann den chéad uair le dhá bhlian don draoi daoine a thiocfas chuig an bparáid ó gach uile chearn den tír.
Taoiseach Dhún Briste i Maigh Eo ab ea Góidrisc a chuir bagairt gan aon ghar ar Naomh Pádraig, dar leis an Duinníneach.
